सिटिइभिटीको सबै परीक्षा स्थगित

काठमाडौं :  प्राविधिक शिक्षा तथा व्यावसायिक तालीम परिषद् सिटिइभिटी ले सबै परीक्षा स्थगित गरेको छ । कोरोना संक्रमण तीव्र गतिमा फैलिरहेको भन्दै परीक्षा स्थगित गरिएको परीक्षा नियन्त्रक कृष्ण केसीले जानकारी दिए ।

परिषदले यहि १५ गते बायोमेडिकल तर्फको प्रवेश परीक्षा र २२ गते प्रिडिप्लोमा तहको मौका परीक्षा लिने तयारी गरेको थियो ।

परिषदले आउँदो २७ गतेदेखि वार्षिक प्रणाली र सेमेष्टर प्रणालीका तथा इन्जिनियरिङ, स्वास्थ्य, कृषि लगायतका विभिन्न नियमित तथा पुरक परीक्षा सञ्चालन गर्ने तयारी गरेको भए पनि तत्कालको लागि अर्को निर्णय नभएसम्म परीक्षा स्थगित गरिएको परिषदको परीक्षा नियन्त्रण कार्यलयले जनाएको छ ।