काठमाण्डौं : नेपाल इन्जिनियर्स एशोसिएसन (नेइए)को ३३ औं केन्द्रिय कार्यकारिणी समिति तथा ७ ओटै प्रदेशको दोस्रो कार्यकारिणी समितिको निर्वाचन आगामी फागुन २७ गते हुने भएको छ ।
नेइए निर्वाचन समितिले आज एक सुचना जारी गर्दै चुनावबारे यस्तो जानकारी गराएको हो ।
साथै, काठमाण्डौं मतदान केन्द्रको हकमा भृकुटीमण्डप, प्रर्दशनी मार्ग र अन्य मतदान केन्द्रहरुको हकमा भने पहिलाकै निर्णय तथा तोकिएअनुसार हुने भएको एशोसिएसनले जनाएको छ ।
कोरोना भाइरसको संक्रमण जोखिम भएको र सरकारले समेत विभिन्न आदेश जारी गरेको कारण देखाउँदै नेइए निर्वाचन समितिले गत माघ ७ मा हुने निर्वाचन स्थगित गरेको थियो ।
चुनावको मिति तोकिएसँगै उम्मेद्वारहरु उत्साहको साथ चुनावी मैदानमा होमिएका छन् ।
तपाइँको प्रतिक्रीया