राप्रपा अध्यक्ष राजेन्द्र लिङ्देन अष्ट्रेलिया आउँदै

अष्ट्रेलिया । राष्ट्रिय प्रजातन्त्र पार्टीका अध्यक्ष राजेन्द्रप्रसाद लिङ्देन  अगष्ट १६ तारिख अष्ट्रेलियाको मेलबर्न आउने भएका छन्  । राप्रपाको शुभेच्छुक संस्था प्रवासी नेपाली एकता समाज अष्ट्रेलियाको पाँचौ अधिवेशनका लागि  मेलबर्न आउन लागेका हुन् ।

प्रवासी नेपाली एकता समाज अष्ट्रेलियाका अध्यक्ष सुन्दर कार्कीका अनुसार अगष्ट १७ मा ईस्टोनियन हालमा विशेष कार्यक्रम आयोजना गरिएको छ । साँझ ५ बजेदेखि ९ बजेसम्म कार्यक्रम हुनेछ  लिङ्देनले त्यहाँ रहेका नेपाली समूदायसँग अन्तरक्रिया गर्नेछन् । कार्यक्रममा सहभागी हुनका लागि भिक्टोरियाको नेपाली समूदायका अगुवाहरुलाई आमन्त्रण गरिएको पनि उनले जानकारी दिए ।

लिङ्देनसँगै राप्रपा कोशी प्रदेश संसदीय दलका नेता भक्ति सिटौला ,राप्रपा केन्द्रीय सदस्य तथा प्रवास बिभाग प्रमुख आनन्द अधिकारी , राप्रपा केन्द्रीय सदस्य हिक्मत जुङ कार्की  पनि हुनेछन् । मेलबर्नपछि एडिलेडमा एक कार्यक्रममा सहभागी भएर लिङ्देन सिड्नीमा आयोजना हुने अन्तरक्रिया कार्यक्रममा सहभागी हुने छन् ।

प्रवासी नेपाली एकता समाज साउथ अस्ट्रेलियाका राज्य संयोजक केदार श्रेष्ठकाले  अगस्ट २० मा एभरेस्ट फङ्सन सेन्टरमा बेलुका अध्यक्ष राजेन्द्र लिङ्देनसँग एडिलेडका  नेपाली समूदायसँग अन्तरक्रियागरिने कार्यक्रम रहेको पनि जानकारी दिनुभयो।