एडिलेडमा तीज मेला २०२४ हुने

अष्ट्रेलिया एडिलेड / अष्ट्रेलियाको एडिलेडमा  तीज मेला २०२४ हुने छ। थ्रिकेजी इभेन्ट एण्ड इन्टरटेन्मेन्ट र एभरेस्ट रेस्टुरेन्ट एन्ड इभेन्ट सेन्टरको संयुक्त  आयोजनामा नारीहरूको महान पर्व तीजको अवसरमा अस्ट्रेलियाको एडिलेडमा तीज मेला २०२४ हुन लागेको हो ।

निःशुल्क प्रवेश रहेको कार्यक्रममा राष्ट्रिय कलाकारहरू राजु परियार, शिला आले, एन्जीला रेग्मीको प्रस्तुति रहने लाइभ संगीत, नृत्य सहितको कार्यक्रम २ सेप्टेम्वर २०२४ मा एभरेष्ट इभेन्ट सेन्टरमा साँझ ५.३० बजेदेखि हुने भएको छ ।

कार्यक्रममा सहभागीहरु मध्यबाट लक्की ट्र मार्फत आई प्याड, साडी र व्याग पनि उपहार प्रदान गर्ने थ्रिकेजी इभेन्ट एण्ड इन्टरटेन्मेन्ट निर्देशक खुम घलेले बताए । साथै निर्देशक घलेले एडिलेडमा बस्ने सम्पूर्ण नेपाली भाषी आमाबुवा ,दिदीबहिनीका साथै दाजुभाई सबैलाई कार्यक्रममा उपस्थित भई कार्यक्रम सफल बनाइदिनुहुन आग्रह समेत गर्नुभएको छ।