अष्ट्रेलिया / ‘द सुड्डाज’ समूहको आयोजनामा अस्ट्रेलियाको एडिलेडमा फुटबल खेल सम्पन्न भएको छ । सांगीतिक कार्यक्रमको सिलसिलामा अष्ट्रेलिया आएका गायकहरू बद्री पंगेनी र दुर्गेश थापा उक्त फुटबल खेलमा सहभागी भए ।
अष्ट्रेलियाको एडिलेडमा आयोजित फुटबल खेलमा नेपालबाट आएका गायिका एन्जिला रेग्मी र गायक मानसराजले मैदान बाहिर बसेर साथ दिए । गायक बद्री पंगेनी फुटबलमा अति नै रुचि राख्छन् । उनकै आग्रहमा ‘द सुड्डाज’ समूहले फुटबल खेल आयोजना गरेको थियो। साथै सुड्डाजको निमन्त्रणामा राष्ट्रिय खेलाडी जगजित श्रेष्ठ पनि मैदानमा उपस्थित भएका थिए। जगजित हाल अस्ट्रेलियाको एडिलेडमा कर्मथलो बनाई बसोबास गर्ने गर्दछन्।
नेपाल बाहिर आएर पनि फुटबल खेल्न पाउँदा अत्यन्त खुशी लागेको बद्री र दुर्गेशले बताए, साथै उनीहरूले आयोजक टिमलाई धन्यवाद समेत दिएका थिए । ‘ओके छ त इभेन्ट्स’को व्यवस्थापनमा गायक–गायिकाहरु सांगीतिक प्रस्तुतिका लागि अष्ट्रेलिया आएका हुन् ।
गायक बद्री पंगेनी राम्रो फुटबल खेल्ने खेलाडी समेत हुन् । उनले, उक्त खेलमा दुई गोल गरेका थिए ।
तपाइँको प्रतिक्रीया