तीज पर्वको अवसरमा एडिलेड नेपाली समाजले तीजकै दिन ‘पूजा तथा नाचगान’ कार्यक्रम गर्दै

एडिलेड / नेपाली हिन्दु नारीहरूको महान पर्व हरितालिका तीजको अवसर पारेर एडिलेड नेपाली समाजले तीजको दिन ‘पूजा तथा नाचगान’ कार्यक्रम गर्ने भएको छ।

तीजकै दिन पारेर तीज कार्यक्रम गरियको हुँदा पण्डितद्वारा सामूहिक पूजा मौलिक नाचगान का साथै उपस्थिति सबै लाई खानपानको व्यवस्था समेत गरिने समाजका अध्यक्ष श्याम दाहालले जानकारी दिनुभयो।
सेप्टेम्बर ६ तारिख शुक्रबार दिउँसो ३ बजेबाट सुरु हुने उक्त कार्यक्रम स्थानिय क्लोभेली पार्क मेमोरियल हल, क्लोभेली पार्कमा सुरु हुने भएको छ ।

नेपालमा जस्तै जग्गे स्थापना गरी सामूहिक रुपमा पण्डितद्वारा पूजा गरी मौलिक नाचगान सहित तीज पर्व मनाइने हुँदा एडिलेडमा हुर्के बढेका नयाँ पुस्तालाई पनि कार्यक्रममा सहभागी गराई आफ्नो धर्म,कला, संस्कृतिको बारेमा जानकारी दिन सकिने हुँदा सबैलाई परिवार सहित उपस्थित हुन कार्यक्रम संयोजक लक्ष्मी सापकोटाले अनुरोध समेत गर्नुभएको छ।