अस्ट्रेलिया / नैतिकताको विषयमा विवाद बढ्दै गएपछि न्यू साउथ वेल्स राज्यकी यातायात मन्त्री जो हेलियनले राजीनामा दिनु परेको छ। सार्वजनिक बिदाको दिन सरकारी साधन र चालकलाई निजी प्रयोजनका लागि प्रयोग गरेको र नजिकका साथीहरूसँगको लञ्चमा ७५० डलर खर्च गरेको विषय सार्वजनिक भएपछि उनको आलोचना भएको थियो।
यो प्रकरणले केही दिनदेखि न्यू साउथ वेल्समा सरकार र प्रतिपक्षबीच तीव्र राजनीतिक जुहारीको अवस्था सिर्जना गरेको थियो। मन्त्री हेलियनमाथि सार्वजनिक स्रोतको दुरुपयोग गरेको आरोप लगाउँदै विपक्षी दलले कडा आलोचना गरिरहेका थिए।
उनले राजीनामाको घोषणा गर्दै भनिन्, “मैले कुनै पनि नियम उल्लङ्घन गर्न खोजेकी थिइनँ, तर यसले सरकारको छविमा असर पुर्याउन सक्छ। त्यसैले नैतिकताको पक्षमा रहँदै मैले यो निर्णय लिएकी हुँ।”
यो प्रकरणले सार्वजनिक स्रोतको दुरुपयोग र राजनीतिक जवाफदेहिताबारे बहसलाई पुनः चर्चामा ल्याएको छ। राज्य सरकारमाथि थप पारदर्शी र जवाफदेही बन्ने दबाब बढेको छ।
यस घटनाले न्यू साउथ वेल्सका जनताबीच सार्वजनिक पदधारण गर्ने व्यक्तिहरूको जिम्मेवारी र नैतिकताप्रति गहिरो चासो जगाएको छ।
तपाइँको प्रतिक्रीया