काठमाडौं । सर्वोच्च अदालतले बाँकेको नेपालगञ्जका रिगल भनिने योगराज ढकालको आममाफी बदर गरेको छ ।
बिहीबार कायममुकायम प्रधानन्यायाधीश ईश्वरप्रसाद खतिवडा, सपना प्रधान मल्ल र कुमार चुडालको इजलासले रिगलको कैद मिनाहा बदर गर्दै पुन: पक्राउ गर्न परमादेशसमेत दिएको छ ।
अदालतले रिगललाई बाँकी रहेको ११ वर्ष ११ महिना ५ दिन कैद भुक्तान गराउन पनि आदेश दिएको छ ।
नेपालगञ्जकै चेतन मानन्धरको हत्या आरोपमा आजिवन जेल सजाय पाएका रिगललाई सरकारको सिफारिसमा गत संविधान दिवसमा राष्ट्रपति रामचन्द्र पौडेलले आममाफी दिएका थिए ।
आममाफीविरूद्व चेतनकी श्रीमती भारती मानन्धरले सर्वोच्च अदालतमा रिट दायर गरेकी थिइन् ।
तपाइँको प्रतिक्रीया