शिव परियारको नेतृत्वमा फ्रेबुअरी २१ मा एडिलेडमा विशेष सांगीतिक कार्यक्रम हुँदै

सारङ्गी ईभेन्टको आयोजनामा हुने अष्ट्रेलियाको सांगीतिक  यात्राको प्रारम्भ पहिलो कार्यक्रम प्रेम दिवसको अवसरमा सिड्नीमा विशेष सांगीतिक कार्यक्रम आयोजना गरिने भएको छ। सारङ्गी ईभेन्टका निर्देशक हेम श्रेष्ठका अनुसार प्रेम दिवस अर्थात फेब्रुअरी १४मा सिड्नीमा विशेष सांगीतिक कार्यक्रम आयोजना गरिएको बताउनुभयो। पाल्पा इन्टरटेनमेन्टको प्रस्तुतिमा फेब्रुअरी १४ मा ‘रातोघर: द भेन्यू’, ग्रान्भिल, सिड्नी मा भव्य सांगीतिक साँझ हुन गइरहेको छ।

निर्देशक श्रेष्ठका अनुसार सिड्नीको कार्यक्रमपछि शिव परियारसहितको टोली फेब्रुअरी २१ मा एडिलेडमा र मार्च २ मा पर्थमा आफ्नो  सांगीतिक  प्रस्तुति दिने भएका छन्। त्यसपछि अन्य स्टेटहरूमा पनि कार्यक्रम रहेको  निर्देशक श्रेष्ठले जानकारी दिनुभयो।