एडिलेड अष्ट्रेलियाको सबैभन्दा खुशी शहर घोषित, विश्वकै २९औं स्थानमा

अष्ट्रेलिया,एडिलेड – यस वर्षको World Happy City Index मा अष्ट्रेलियाको सबैभन्दा खुशी शहर घोषित भएको छ। जीवनस्तर, जनस्वास्थ्य, आवागमन तथा आर्थिक अवस्था लगायतका आधारमा तयार गरिएको यो सूचकांकमा एडिलेड विश्वभरका शहरहरूमध्ये २९औं स्थानमा परेको हो।

सुन्दर समुद्री किनारहरू, मनमोहक वाइन क्षेत्रहरू र वर्षभरि आयोजना हुने विविध सांस्कृतिक चाडपर्व तथा महोत्सवहरूले एडिलेडलाई विशेष बनाएका छन्। यसले स्थानीय बासिन्दाहरूको जीवनमा सकारात्मक ऊर्जा र सन्तुष्टि ल्याउने उल्लेख गरिएको छ।अष्ट्रेलियाभित्र अन्य शहरहरूको स्थान हेर्दा, क्यानबेरा दोस्रो खुशी शहरको रूपमा सूचीकृत भएको छ। मेलबर्नले तेस्रो स्थान पाएको छ भने सिड्नी चौथो स्थानमा परेको छ। अष्ट्रेलियाकै सबैभन्दा ‘अखुशी’ राजधानी शहर पर्थलाई घोषित गरिएको छ।

विश्वका शीर्ष ५ खुशी शहरहरू यसप्रकार छन्:
१. कोपेनहेगन (डेन्मार्क)
२. ज्युरिक (स्विजरल्याण्ड)
३. सिंगापुर
४. आरहुस (डेन्मार्क)
५. एण्टवर्प (बेल्जियम)

यो सूची The Institute for Quality of Life ले सार्वजनिक गरेको हो, जसले नागरिकको स्वास्थ्य, यातायातको सहजता र आर्थिक अवस्थालाई प्रमुख मापदण्डका रूपमा मूल्यांकन गरेको हो।
एडिलेडको यो उपलब्धि शहरको समावेशी नीति, उच्च जीवनस्तर, र नागरिकहरूको सन्तुष्टिको प्रमाण हो। यो सूचकांकले देखाउँछ कि सन्तुलित विकास, पारदर्शिता, र नागरिक सेवाहरूमा लगानीले शहरलाई खुशी बनाउँछ। एडिलेडको यो सफलता अन्य शहरहरूका लागि प्रेरणादायक छ।