काठमाडौँ। अस्ट्रेलियास्थित अन्तर्राष्ट्रिय समन्वय परिषद् (ICC Australia) का सदस्य विष्णु तिवारीले काठमाडौंस्थित ‘द डाइरेक्ट हेल्प फाउन्डेशन’लाई सहयोग प्रदान गरेका छन्। तिवारीले फाउन्डेशन अन्तर्गत सञ्चालनमा रहेको‘कुमारी हाउस’का बालबालिकाहरूको सहयोगार्थ रु ५० हजार सहयोग हस्तान्तरण गरेका हुन्।
बालबालिकाको हेरचाह, शिक्षा र आत्मनिर्भरतामा सक्रिय फाउन्डेशनले असहाय बालबालिकालाई सुरक्षित आवास र अवसर उपलब्ध गराउँदै आएको छ। समाजप्रति दायित्वबोधका साथ सहयोग गर्दै आएका तिवारीका अनुसार, जीवनको वास्तविक अर्थ अरूको जीवनमा मुस्कान ल्याउन सक्नुमा निहित छ। बालबालिकाको अनुहारमा सानो खुसी देख्दा आफूलाई अपार सन्तोष र प्रेरणा मिलेको र समाजका लागि सानो योगदान दिन पाउँदा भाग्यमानी महसुस भएको तिवारीले बताए।
फाउन्डेशनकी अध्यक्ष अन्जु महतले तिवारीको योगदानप्रति कृतज्ञता व्यक्त गर्दै अरूको जीवन सुन्दर बनाउन आफ्नो बाटोबाट अघि बढ्ने व्यक्ति नै समाजका लागि प्रेरणाको स्रोत हुने बताएकी छन्।उनका अनुसार, तिवारीको यो कदमले संस्थामा बसोबास गर्ने बालबालिकाको जीवनमा आशा र आत्मबल थपिएको छ।
फाउन्डेशनले तिवारीप्रति आभार व्यक्त गर्दै यस्ता सहयोगी हातहरूले असहाय बालबालिकाको भविष्य उज्यालो बनाउन मद्दत गर्ने र समाजमा सकारात्मक सन्देश फैलाउने विश्वास व्यक्त गरेको छ।
तपाइँको प्रतिक्रीया