एडिलेड,अष्ट्रेलिया / Grace International Education and Migration Adelaide र Girish Event & Entertainment Pty Ltd को संयुक्त आयोजनामा लोकप्रिय नेपाली ब्यान्ड John & दि लोकल्स आगामी डिसेम्बर ५, २०२५, शुक्रबार एडिलेडको प्रतिष्ठित Hindley St Music Hall मा भव्य रूपमा प्रस्तुत हुने भएको छ। Girish Event Night 3.0 अन्तर्गत आयोजित यो कार्यक्रम हालसम्मका सबै संस्करणमध्ये सबैभन्दा रोचक र ऊर्जायुक्त हुने अपेक्षा गरिएको छ।
ब्यान्डले एडिलेड लगायत अस्ट्रेलियाका अन्य स्टेटहरुमा पनि आफ्नो प्रस्तुति दिने भएको छ। धरान–धनकुटा क्षेत्रको सांगीतिक धड्कनबाट सुरु भएको John Chamling Rai नेतृत्वको पाँच सदस्यीय ब्यान्डले विश्वका दर्जनौं सहरहरूमा दर्शकलाई मन्त्रमुग्ध बनाइसकेको छ। शक्तिशाली भोकल, आत्मीय लय, आकर्षक स्टोरीटेलिङ र स्टेजमा पोखिने जोश–उत्साहका कारण यो समूह नयाँ पुस्ताको प्रिय ब्यान्डका रूपमा स्थापित भइसकेको छ।‘हावा जस्तै’, ‘फर्कन्न होला’ जस्ता लोकप्रिय गीतहरूले परदेशमा रहेका नेपाली युवायुवती मात्रै होइन, सबै उमेर समूहका संगीतप्रेमीलाई छोइरहेको छ।
आयोजक Girish Event & Entertainment Pty Ltd का निर्देशक गगन गिरीका अनुसार यो कार्यक्रम एडिलेडमा बस्ने नेपाली समुदायका लागि ‘’संगीत, भावना र आत्मीयताले भरिएको विशेष रात’’ बन्नेछ। “उत्कृष्ट साउन्ड, जीवन्त प्रस्तुति र दर्शकसँगै साझा उर्जाको अनुभव—सबै एकै ठाउँमा पाउनुहुनेछ। त्यसैले टिकेट सकिने अगाडि सकेसम्म छिट्टै सुरक्षित गर्न आग्रह गर्दछु,” गिरीले बताए।
यस कार्यक्रमको Title Sponsor Grace International Education and Migration Adelaide ले पनि समुदायमा कला, संस्कार र मनोरञ्जनलाई जोड्ने यस्ता कार्यक्रमलाई निरन्तर सहयोग गरिरहेको जनाएको छ।
एडिलेडमा नेपाली संगीतको धड्कनलाई थप जवाफदेही बनाउने यो रात केवल कन्सर्ट मात्र होइन—निष्ठा, सम्झना र आधुनिक संगीतको एउटा मनछुने यात्रा बन्नेछ। कार्यक्रममा सहभागिता जनाउनु हुन यो लिङ्कबाट टिकट खरिद गर्न सक्नुहुनेछ।https://moshtix.com.au/v2/event/john-the-locals-girish-event-night-3-0/187523
तपाइँको प्रतिक्रीया