एडिलेड,अष्ट्रेलिया / नेपाली टेनिस क्लब अष्ट्रेलिया (NTCA) द्वारा आयोजना हुने वार्षिक डबल टेनिस प्रतियोगिता 2025 आगामी ३० नोभेम्बर 2025 का दिन Marion Tennis Club मा हुने भएको छ।बिहान ७ बजेदेखि सुरु हुने यस प्रतियोगितामा २२ जना खेलाडी सहभागी हुने आयोजक संस्थाले जनाएको छ।
विजेता जोडीलाई प्रत्येक खेलाडीलाई 200 डलर, गरी कुल 400 डलर नगद पुरस्कार तथा ट्रफी प्रदान गरिनेछ। त्यस्तै, उपविजेता जोडीलाई प्रत्येक 100 डलर, गरी कुल 200 डलर नगद पुरस्कारसहित ट्रफी प्रदान गरिनेछ। साथै, उत्कृष्ट प्रदर्शन गर्ने टोलीलाई Fair Play Team Trophy पनि प्रदान गरिनेछ। आयोजक संस्थाले प्रतियोगिताले समुदायभित्र टेनिसप्रतिको आकर्षण, मैत्रीभाव र खेल Spirit अझ बलियो बनाउने विश्वास व्यक्त गरेको छ। यो कार्यक्रम सफल बनाउने उद्देश्यले इभेन्ट को–अर्डिनेटर रेशम गुरुङ, दीपेश कुँवर, अमर खड्का र उमेश बुढाथोकी सक्रिय रूपमा समन्वयमा जुटिरहेका छन्।
कार्यक्रमको तयारीबारे बताउँदै इभेन्ट को–अर्डिनेटरमध्येका एक उमेश बुढाथोकीले यो प्रतियोगिता सफल र अनुशासित रूपमा सम्पन्न गर्न समग्र टिम प्रतिबद्ध रहेको बताएका छन्। उनका अनुसार, सहभागी खेलाडीहरूको उत्साह, खेलभावना र समुदायको समर्थन यस वर्षको आयोजनाको मुख्य बल हुनेछ।
तपाइँको प्रतिक्रीया