मेलबर्न,अष्ट्रेलिया / अष्ट्रेलियाको मेलबर्नमा अवस्थित नेपाली समुदायको सबैभन्दा ठूलो संस्था अष्ट्रेलियन नेप्लिज मल्टिकल्चरल सेन्टर (ANMC) ले यस वर्ष पनि भव्य धार्मिक महोत्सव आयोजना गर्ने भएको छ। यो संस्था मेलबर्नमा पशुपति मन्दिर, गुम्बा तथा नेपाली सांस्कृतिक केन्द्र निर्माण गर्ने उद्देश्यसहित स्थापना गरिएको हो। केन्द्रले हालसम्म खरिद गरिएको भूमि र संरचनासम्बन्धी ऋण फस्र्यौट गर्ने लक्ष्यसहित यो धार्मिक महोत्सवको आयोजना गरेको बताइएको छ।
ANMC का अनुसार धार्मिक महोत्सवको मुख्य कार्यक्रम आगामी डिसेम्बर १८ देखि २३ तारिखसम्म सञ्चालन हुनेछ । तर, शुक्र अष्टमी का कारण समुद्घाटन समारोह डिसेम्बर १२ तारिखमै गर्ने तयारी रहेको पण्डित नारायण प्रसाद ज्ञवालीले जानकारी दिएका छन्।
महोत्सवमा विविध धार्मिक अनुष्ठान, सांस्कृतिक कार्यक्रम, दान–पूजा तथा भक्तजनहरूको सहभागितामा कलश यात्रा, विशेष पूजा, भजन–कीर्तन तथा संस्कृति प्रवर्द्धन कार्यक्रमहरू हुने बताइएको छ। एएनएमसीको आफ्नै प्राङ्गणमा हुने यस महोत्सवमा १९ देखि २३ तारिखसम्म राधिका दासीबाट संगीतमय सत्संग प्रवचन सुन्न पाइने भएको छ । साथै, महोत्सव अवधिभर दैनिक विभिन्न भेषभूषामा भगवानका लिलाहरु समेत देखाइनेछ ।
ANMC ले नेपालीहरूमाझ ऐक्यबद्धता, सांस्कृतिक पहिचानको संरक्षण र सामुदायिक सहकार्यलाई अझै बलियो बनाउने उद्देश्य राखेको जनाएको छ।
तपाइँको प्रतिक्रीया