२०८२ मंसिर १५ आइतबार

मंसिर २६ देखि प्रदर्शन हुने ‘पीआर’को ओभरसिज अधिकार हस्तान्तरण

  • admin २०८२ मंसिर १३ शुक्रबार

अष्ट्रेलिया/ यहि मंसिर २६ गतेबाट प्रदर्शनमा आउन लागेको नेपाली फिल्म ‘पीआर’ को अष्ट्रेलिया र न्युजिल्यान्ड प्रदर्शन अधिकार बिक्री भएको छ।
फिल्मको अधिकार मि श्रेष्ठ प्रोप्राइटरी लिमिटेड तथा श्रेष्ठ फ्यासिलिटी म्यानेजमेन्ट कम्पनी ले खरिद गरेका हुन्।

उक्त कम्पनीका सञ्चालक विजेन्द्र श्रेष्ठ का अनुसार फिल्मले सामाजिक सन्देश बोकेको र सबैले बुझ्नैपर्ने विषय उठान गरेको कारण बजारको उच्च मागअनुसार अधिकार खरिद गरिएको हो।
यसअघि फिल्मको अष्ट्रेलियाका विभिन्न सहरहरूमा विशेष शो (special screenings) समेत सम्पन्न भइसकेका छन्।

शोभित बस्नेत निर्देशित यस फिल्ममा आर. सुरज पौडेल, विनिता कार्की, राजन कुँवर, पूजा चौधरी, आश्मा अधिकारी मस्तानी, विमला खत्री, गणेश बुढाथोकी, म्याक्स कृष्ण थापा र नवीन घायल प्रमुख भूमिकामा छन्।
त्यस्तै, विशेष भूमिकामा नीर शाह, गौरी मल्ल, रविन्द्र खड्का, उत्तम के.सी. नेपाल र दिक्पाल कार्की देखिने छन्।